სააკაშვილო, გამოიხედე ციხის საკნიდან, ნახე, რამდენი თავისუფალი ქართველია აქ, რომელსაც ახსოვს შენი მოძალადეობრივი რეჟიმი, რომელსაც არ უნდიხარ, – კულტურის, სპორტისა და ახალგაზრდობის მინისტრმა, თეა წულუკიანმა „ქართული ოცნების“ შემაჯამებელ შეკრებაზე სიტყვით გამოსვლისას განაცხადა.
მისი თქმით, უკეთესი საქართველოსთვის ბრძოლა ასე მარტივად არ მთავრდება.
„დღეს ჩვენ კვლავ ვიბრძვით მის წინააღმდეგ. ხომ ბევრს გეგონათ, ჩვენო მხარდამჭერებო, რომ ეს დიდი ბოროტება ჩაჯდებოდა ციხეში და ბრძოლაც დამთავრდებოდა. არა, უკეთესი საქართველოსთვის ბრძოლა ასე მარტივად არ მთავრდება, ასე ცხოვრობდა ყველა ჩვენამდე ამ მიწაზე და ჩვენც წინ გვაქვს კიდევ ახალი და ბევრი ბრძოლა“, – განაცხადა თეა წულუკიანმა.
