ჯანდაცვის მინისტრის, ეკატერინე ტიკარაძის განცხადებით, არსებული რესურსით საქართველოს დღეში 17 000 ადამიანის აცრა შეუძლია. ამ თემაზე მან კლინიკების ხელმძღვანელებთან შეხვედრის დროს ისაუბრა.
“იმ რესურსით, რაც ამ ეტაპისთვის უკვე საქართველოში არის მობილიზებული, ჩვენ შეგვიძლია დღიურ რეჟიმში 17 000 მოქალაქის აცრა, რაც 25-დღიანი სამუშაო ჭრილის პირობებში არის ნახევარი მილიონი მოქალაქის აცრა და ვთვლით, რომ ეს იქნება საკმაოდ კარგი მაჩვენებელი, თუ ჩვენ ერთობლივი ძალისხმევით შევძლებთ და მომდევნო 3 თვის მანძილზე ავცრით ნახევარ მილიონ მოქალაქეს”, – თქვა ტიკარაძემ.