თბილისის სახელმწიფო უნივერსიტეტის სტუდენტები რექტორის კაბინეტში შეიჭრნენ და დაიკავეს. სტუდენტები მოძრაობა „ბრძოლა განათლებისთვის“ წევრები არიან და გიორგი შარვაშიძესთან შეხვედრასა და მის გადადგომას ითხოვენ.
სტუდენტების თქმით, რექტორი მათ უარს ეუბნება უნივერსიტეტში მიმდინარე სემესტრის ბოლომდე ჰიბრიდული რეჟიმის შემოღებაზე, რის გამოც, მათი თქმით, რეგიონებში მცხოვრებ სტუდენტებს თბილისში ბინების შოვნისა და აუდიტორიებში ლექციებზე დასწრების პრობლემა ექმნებათ. ამიტომ, სტუდენტების განცხადებით, ისინი რექტორის კაბინეტს მანამდე არ დატოვებენ, ვიდრე რექტორი მათ არ შეხვდება და გადადგომის შესახებ არ განაცხადებს.
