თბილისის ქუჩებში დათვის ძებნა უკვე მესამე დღეა მიმდინარეობს, სამძებრო სამუშაოებში სამძებრო სამუშაოები 24-საათიანი რეჟიმით მიმდინარეობს და მასში ჩართულნი არიან კინოლოგებიც. ცხოველთა მონიტორინგის სამსახურის ინფორმაციით, საბურთალოს ტერიტორიაზე ორი ეკიპაჟი მუშაობს, თუმცა ცხოველის კვალს, ჯერჯერობით, ვერ მიაკვლიეს. დაკითხულია იყალთოს ქუჩის მოსახლეობა, ასევე – ქალი, რომელმაც დათვი გვიან ღამით შენიშნა.
როგორც ცხოველთა მონიტორინგის სამსახურში აცხადებენ, სამძებრო სამუშაოები იქამდე გაგრძელდება, ვიდრე არ იპოვიან ცხოველს, ან არ დარწმუნდებიან, რომ ინფორმაცია არ შეესაბამება სიმართლეს.