ტექნიკის საწყობში ხანძარი უკვე ლოკალიზებულია. საგანგებო სიტუაციების მართვის სამსახურის ინფორმაციით, დამწვარია 1 800 კვ/მ ფართობი. ადგილზე 23 სახანძრო-სამაშველო ჯგუფი მუშაობს. შემთხვევის შედეგად ერთი ადამიანი დაშავდა, იგი კლინიკა “ლანცეტშია” გადაყვანილი.
თბილისში, დიდ დიღომში ცეცხლმოკიდებული საწყობიდან მეხანძრე-მაშველებმა ლეკვები გამოიყვანეს. ინფორმაციას საგანგებო სიტუაციების მართვის სამსახური ავრცელებს.
„საგანგებო სიტუაციების მართვის სამსახურის გადაწყვეტილებით, ლეკვებს მეხანძრე-მაშველები სახანძრო-სამაშველო განყოფილებაში წაიყვანენ და უპატრონებენ“, – აცხადებენ უწყებაში.