ტაჯიკეთის ხელისუფლების ტერმინოლოგიისა და ენის კომიტეტმა გადაწყვიტა დააჯარიმოს ჟურნალისტები, რომლებიც ტაჯიკური ენის ნორმებს დაარღვევენ.
ჯარიმის ოდენობა 75-100 დოლარით განისაზღვრება, იურიდიული პირებისა და ჩინოვნიკებისათვის – 150-200 დოლარით.
კომიტეტის თავმჯდომარის განმარტებით, ჟურნალისტებმა ხშირად დაიწყეს უბრალო ადამიანებისათვის გაუგებარი სიტყვების გამოყენება.
“ზოგიერთი ჟურნალისტი თავის მასალაში 10-მდე ასეთ სიტყვას იყენებს. ის უბრალო მკითხველისთვის, მსმენელისთვის, მაყურებლისთვის გაუგებარია, ამასთანავე, სახელმწიფო ენის ნორმებს უხეშად არღვევენ. ჩვენ გვაქვს გრამატიკა, მართლწერის წესები, სახელმწიფო ენის ნორმების დაცვის მოთხოვნა, რაც უნდა დავიცვათ” – განაცხადა გავხარ შარიფზოდამ.
კომიტეტი სპეციალური ჯგუფის შექმნას აპირებს, რომელიც მედიას გააკონროლებს.
აპრილის ბოლოს ტაჯიკეთში ოფიციალურად აიკრძალა სახელისა და გვარის რუსული მანერით დარეგისტრირება.
