სტრასბურგში გამართულ საშობაო ბაზრობაზე 11 დეკემბერს, დაახლოებით ერთი საათის წინ, უცნობმა მამაკაცმა სროლა დაიწყო. დაღუპულია ერთი და დაჭრილია, სავარაუდოდ, ხუთი მოქალაქე -ამის შესახებ ინფორმაციას სამაშველო სამსახურები ავრცელებენ.
“დოიჩე ველე” ფრანგი ჟურნალისტის მიერ გამოქვეყნებულ “ტვიტერ” ბლოგზე დაყრდნობით წერს, რომ პოლიციამ ბოროტმოქმედი გააუვნებელყო. როგორც ჟურნალისტი ამბობს, ის მომხდარის თვითმხილველია.
სოციალურ ქსელებში წერენ, რომ ქალაქის ცენტრი გადაკეტილია. პოლიცია ხალხს სიმშვიდისკენ მოუწოდებს.
ევროპარლამენტში ყველა გასასვლელი და შესასვლელი დაკეტილია. “დოიჩე ველეს” კორესპონდენტი ამბობს, რომ მთელი დღის მანძილზე ევროპარალმენტში პოლიცია ყველა შემსვლელს საგულდაგულოდ ამოწმებდა. ის, ასევე, ქალაქის ცარიელი ქუჩის ფოტოს აქვეყნებს.
https://youtu.be/FxCVbvlMWx8
https://youtu.be/hDM4tN_Q4_Y