სხვადასხვანაირად მნათლავენ ხოლმე, მაგრამ ნაწილი ვარ კულტურულად ქრისტიანული მიმდინარეობის- გიგა ბოკერია

news
ავტ.: news ოქტომბერი 7, 2019 14:00

სხვადასხვანაირად მნათლავენ ხოლმე, მაგრამ ნაწილი ვარ კულტურულად ქრისტიანული მიმდინარეობის- გიგა ბოკერია

მე კი სხვადასხვანაირად მნათლავენ ხოლმე, მაგრამ ნაწილი ვარ კულტურულად ქრისტიანული მიმდინარეობის, ერთი ჩემი კოლეგისა არ იყოს, რომელმაც ეს ხმამაღლა გამოაცხადა ცოტა ხნის წინ, – ეს განცხადება „ევროპული საქართველოს“ ერთ-ერთმა ლიდერმა, გიგა ბოკერიამ დღეს იურიდიულ საკითხთა კომიტეტის სხდომაზე, უზენაესი სასამართლოს მოსამართლეობის კანდიდატის მაია ვაჩაძისთვის შეკითხვის დასმის დროს გააკეთა.

ქობულეთში მუსლიმურ სასულიერო სასწავლებელთან დაკავშირებული მოვლენები გაიხსენა და მოსამართლეს ჰკითხა, რატომ არ დაადგინა წლების წინ პოლიციის მხრიდან დისკრიმინაციის ფაქტი.

„ჩვენი მრწამსის ადამიანები რომ შეზღუდონ ფიზიკურად, რომ არ გვიშვებდნენ ეკლესიაში ვიღაცები, რომ მოვარდნენ ანტიმართლმადიდებლები, იქ პოლიცია ხო ნამდვილად იმოქმედებდა? თუ თქვენ წარმოგიდგენიათ, რომ ეს ასე არ იქნებოდა და პოლიცია ზოგადად უძლური იყო? მაგრამ ამასაც თავი რომ დავანებოთ, ვარაუდის საფუძველი არ არსებობდა იმისი, რომ დისკრიმინაცია იყო? ნუთუ პოლიციას არ უნდა ემტკიცებინა, რატომ მოიქცა ასე, რატომ არ დაიცვა ჩვენი მოქალაქეები?“, – განაცხადა გიგა ბოკერიამ.

მოსამართლეობის კანდიდატმა მაია ვაჩაძემ აღნიშნა, რომ ფაქტები, რომელსაც მოსარჩელე მიუთითებდა, უნდა იწვევდეს გონივრულ ეჭვს.

„ფაქტები, რომელიც გონივრულ ეჭვს მიღმაა, არ შეიძლება შეფასდეს დისკრიმინაციად“,- აღნიშნა მაია ვაჩაძემ.

news
ავტ.: news ოქტომბერი 7, 2019 14:00

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


2,731
ვიზიტორი
დღეში
Powered By Google Analytics