შსს-მ იმერეთში არაერთგზის გამოძალვის ბრალდებით კაცი დააკავა

სხვა სტატიები

• ,,ფული არ ამიღია”- ირაკლი მინდელი
• იუსტიციის საბჭოში მოსამართლეთა ფიცის დადების ცერემონია გაიმართა
• საგამოძიებო სამსახურმა უაქციზო სიგარეტის შენახვა-გადაზიდვის ოთხი ფაქტი გამოავლინა

შინაგან საქმეთა სამინისტრომ იმერეთში 1984 წელს დაბადებული, წარსულში მრავალჯერ ნასამართლევი და ამჟამად პირობითი მსჯავრის ქვეშ მყოფი ე.გ. დააკავა.

მას ბრალად არაერთგზის გამოძალვა ედება.

დანაშაული 4-დან 7 წლამდე ვადით თავისუფლების აღკვეთას ითვალისწინებს.

გამოძიებით დადგინდა, რომ ბრალდებულმა თერჯოლის მუნიციპალიტეტში მცხოვრებ მოქალაქეს – 1988 წელს დაბადებულ ი.კ.-ს მიმდინარე წელს, სხვადასხვა დროს, მუქარით 4050 ლარი გამოსძალა.

არაერთგზის გამოძალვის ფაქტზე გამოძიება საქართველოს სსკ-ის 181-ე მუხლის მე-2 ნაწილის „ბ“ ქვეპუნქტით მიმდინარეობს.