„ახალი საქართველოს“ ლიდერი გიორგი ვაშაძე აცხადებს, რომ იცის, როგორი ნაბიჯის გადადგმაზე ისაუბრა ინტერვიუში კონგრესმენმა, ადამ კინზინგერმა, თუკი პროპორციული საარჩევნო სისტემის გარშემო პროგრესი არ იქნება.
„მსოფლიოში ყველაზე ძლიერი ქვეყნის, საქართველოს ყველაზე ახლო მეგობრის კონგრესმენმა კიდევ ერთი კონკრეტული, ცხადი განცხადება გააკეთა, თუ არ იქნება პროგრესი, კონკრეტული ნაბიჯები, რომლებსაც ისინი გადადგამენ, ძალიან დიდი სიურპრიზი შეიძლება იყოს ბევრისთვის. გარკვეულწილად, შინაარსს ვიცნობ თუ რა ნაბიჯზეა საუბარი, თუმცა არ მაქვს უფლება, ამაზე ვისაუბრო. „ქართული ოცნება“ ქმნის საფრთხეს, რომ საქართველო მოექცეს საგარეო იზოლაციაში. ამიტომ, მათ ძალიან ცოტა დრო აქვთ დარჩენილი იმისთვის, რომ გონს მოეგონ და ადეკვატური გადაწყვეტილებები მიიღონ“, – განაცხადა გიორგი ვაშაძემ.