უკანასკნელი 30 წლის მანძილზე მედიცინისა და ფარმაკოლოგიის სფეროს პროგრესმა სასიკვდილო დაავადების ქრონიკულ დაადადებად გადაქცევა შეძლო, რომლის განვითარება მართვადია. ახლა შიდსი ისეთი დაავადებების რიცხვში შედის, როგორიც დიაბეტი, ჰიპერტეზია ან სხვა გულ-სისხლძარღვთა დაავადებებია – ამის შესახებ ბლოგი Discover წერს.
ამერიკული სტატისტიკის უკანასკნელი მონაცემებით, შიდსით დაავადებულთა საშუალო ასაკი 1987 წელთან შედარებით რადიკალურად გაზრდილია მამაკაცებისთვის 34%-ით: 37,9-დან (1987 წელი) 50,8 წლამდე (2013), ქალებისთვის პროგრესი უფრო მაღალი მაჩვენებლებით ხასიათდება 35, 2 წლიდან 49,7 წლამდე.
გუშინ დაავადებასთან ბრძოლის გაეროს ახალი პროგრამა იქნა წარმოდგენილი. 2013 წელს მსოფლიოში 36,9 მილიონი აივ ვირუსის მატარებელი იყო, მათი 70% სახარის სამხრეთით აფრიკაში ცხოვრობენ. 2000 წლიდან დაავადების ახალი შემთხვევები 35%-ით შემცირდა, ანტირეტროვირუსულ თერაპიას 2015 წლისთვის 15,8 მილიონი აივ ინფიცირებული გადის (2,2 მილიონით მეტი, ვიდრე 2014 წელს).
ექიმების მტკიცებით, აივ ინფექციის მთავარი საფრთხე დღეისთვის მხოლოდდამხოლოდ შესაბამისი წამლების გვერდითი მოვლენებია – ინფარქტები, კიბოს გარკვეული სახეობები და ნევროლოგიური დაავადებებია – ორგანიზმი მკურნალობის პროცესში დაავადებებთან ბრძოლის იმუნიტეტს კარგავს.
მკურნალობის გარეშე დაავადება 9-11 წელში პაციენტის სიკვდილს იწვევს.
