“საქართველოს ტერიტორიული მთლიანობის მიმართ აშშ-ისა და პოლონეთის მხარდაჭერა ყოველთვის ხმამაღლა ჟღერდა”

region
ავტ.: region ივნისი 25, 2020 16:39

“საქართველოს ტერიტორიული მთლიანობის მიმართ აშშ-ისა და პოლონეთის მხარდაჭერა ყოველთვის ხმამაღლა ჟღერდა”

საქართველოს ტერიტორიების უკანონო ოკუპაცია ჩვენს პარტნიორთა დღის წესრიგში კვლავ მთავარ ადგილს იკავებს, – ასე ეხმაურება საქართველოს საგარეო საქმეთა მინისტრი დავით ზალკალიანი პოლონეთისა და აშშ-ის პრეზიდენტების შეხვედრის შემდეგ გამართულ პრესკონფერენციას.

„ტვიტერის“ ოფიციალურ გვერდზე დავით ზალკალიანი პოლონეთის პრეზიდენტს საქართველოს წინააღმდეგ რუსეთის აგრესიაზე ყურადღების გამახვილებისთვის მადლობას უხდის. მისი თქმით, პოლონეთი და აშშ საქართველოს ტერიტორიული მთლიანობის მტკიცე მხარდამჭერები არიან და ისინი ამ პოზიციას ყოველთვის ხმამაღლა გამოხატავდნენ.

„მადლობას ვუხდით პრეზიდენტ დუდას საქართველოს მხარდამჭერი სიტყვებისთვის, რომლებიც მან პრეზიდენტ ტრამპთან ერთად გამართულ პრესკონფერენციაზე წარმოთქვა. საქართველოს სუვერენიტეტისა და ტერიტორიული მთლიანობის მიმართ აშშ-ისა და პოლონეთის მხარდაჭერა ყოველთვის ხმამაღლა ჟღერდა“, – წერს ზალკალიანი.

პოლონეთის პრეზიდენტმა, ანჯეი დუდამ საქართველოსა და უკრაინაზე რუსეთის თავდასხმის შესახებ ვაშინგტონში, აშშ-ის პრეზიდენტთან შეხვედრის შემდეგ გამართულ პრესკონფერენციაზე ისაუბრა. „2014 წელს რუსეთი თავს დაესხა უკრაინას, მოახდინა ყირიმის ანექსია და ოკუპირებული აქვს ლუგანსკი და დონეცკი. მანამდე ის თავს დაესხა საქართველოს“, – განაცხადა ანჯეი დუდამ.

region
ავტ.: region ივნისი 25, 2020 16:39

Google სტატისტიკა


1,942
ვიზიტორი
დღეში
Powered By Google Analytics