საქართველოს პრემიერმინისტრი გიორგი გახარია პრეზიდენტ სალომე ზურაბიშვილს შეხვდა.
შეხვედრა პრეზიდენტის რეზიდენციაში გაიმართა.
ამის შესახებ ინფორმაცია პრეზიდენტის ადმინისტრაციაში დაადასტურეს.
კითხვას – ხომ არ განიხილეს გიორგი რურუას საკითხი შეხვედრის დროს, პრეზიდენტის ადმინისტრაციაში პასუხობენ, რომ მსგავსი ტიპის “სამუშაო შეხვედრები პრემიერსა და სალომე ზურაბიშვილს შორის პერიოდულად იმართება”.
