გორის მუნიციპალიტეტის სოფელ ბერშუეთის მიმდებარე ოკუპირებულ ტერიტორიაზე საოკუპაციო რეჟიმის წარმომადგენლების მიერ სამი დღის წინ უკანონოდ დაკავებული, ამავე მუნიციპალიტეტის სოფელ ზერტის მცხოვრები მალხაზ დოლუაშვილი გათავისუფლდა.
ოკუპანტებმა ის სამართალდამცავებს ერგნეთის საგუშაგოზე გადასცეს. დე ფაქტო რეჟიმმა მალხაზ დოლუაშვილი ე.წ. საზღვრის კვეთისთვის დადგენილი ჯარიმის გადახდის საფუძველზე გაათავისუფლა.
60 წლის მამაკაცი ამბობს, რომ საოკუპაციო ხაზის მოსაზღვრე სოფელ ბერშუეთთან სანადიროდ იმყოფებოდა, სადაც დააკავეს.