პრემიერ-მინისტრმა სამეგრელო-ზემო სვანეთის გუბერნატორის თანამდებობაზე ალექსანდრე მოწერელია წარადგინა.
,,ისიც სახელმწიფო სტრუქტურებში მოდის კერძო სექტორიდან. აქვს ძალიან საინტერესო ბიზნეს პროექტების გამოცდილება სოფლის მეურნეობის მიმართულებით. მოგესხენებათ, ჩვენი ერთ- ერთი მთავარი მიზანი გახლავთ რეგიონებში ეკონომიკის ინკლუზიური ზრდა და მჯერა, ამ საქმეში ის შეძლებს დიდი წვლილის შეტანას”-განაცხადა პრემიერმა
პრემიერ-მინისტრმა რწმუნებულის მოადგილე დაასახელა. მისი განცხადებით სამეგრელო-ზემო სვანეთის გუბერნატორის მოადგილის პოსტს ნინო ვიბლიანი დაიკავებს.
,,საკადრო ცვლილებები შეეხება გუბერნატორის მოადგილეებსაც. სამეგრელო-ზემო სვანეთის გუბერნატორის მოადგილედ დაინიშნება ნინო ვიბლიანი,რომელიც დღემდე იკავებდა სოფელ ჭუბერში მერიის წარმომადგენლების პოსტს”-განაცხადა პრემიერ-მინისტრმა
გუბერნატორმა რწმუნებულები 6 რეგიონში წარადგინა.
