სალომე ზურაბიშვილი : პატრიარქმა მთხოვა, მივსულიყავი საპატრიარქოში, ეს იყო ჩემთვის ნამდვილი პირველი ნიშანი, რომ გავხდი საქართველოს პრეზიდენტი

თაიმერი timer.ge
ავტ.: თაიმერი timer.ge ნოემბერი 29, 2018 13:59

სალომე ზურაბიშვილი : პატრიარქმა მთხოვა, მივსულიყავი საპატრიარქოში, ეს იყო ჩემთვის ნამდვილი პირველი ნიშანი, რომ გავხდი საქართველოს პრეზიდენტი

საქართველოს არჩეული პრეზიდენტი სალომე ზურაბიშვილი სრულიად საქართველოს კათოლიკოს-პატრირქს, უწმინდესსა და უნეტარეს ილია მეორეს შეხვდა.

როგორც სალომე ზურაბიშვილმა აღნიშნა, დღეს დილით ილია მეორემ არჩევნებში გამარჯვება მიულოცა და საპატრიარქოში მისვლა სთხოვა.

„პირველად ამ დილით პატრიარქმა მომილოცა გამარჯვება. მთხოვა, რომ მოვსულიყავი საპატრიარქოში, სადაც სინოდიც იყო შეკრებილი, ეს იყო ჩემთვის ნამდვილი პირველი ნიშანი, რომ გავხდი საქართველოს პრეზიდენტი. დღეს ვიგრძენი თავი საქართველოს პრეზიდენტად. ეს იყო ჩემთვის ძალიან მნიშვნელოვანი შეხვედრა საქართველოს პატრიარქთან. ჩვენი ხედვა ზუსტად ემთხვევა ერთმანეთს. ჩვენ გვჭირდება ამ ქვეყნის დამშვიდება, საზოგადოების დამშვიდება, ახალი პოლიტიკური ურთიერთობების დამყარება, რომელიც არ იქნება დაფუძნებული არც გადატრიალებაზე, არც მოწოდებაზე ძალადობისკენ, არამედ დამშვიდებისკენ. ეს არის ევროპული საზოგადოება, საქართველომ აირჩია ევროპა, საიდანაც მე მოვდივარ, აირჩია ევროპული მომავალი. ეს არის ჩემი მთავარი გეგმა, როგორ დავამშვიდოთ საზოგადოება და როგორ გადავიყვანოთ ახალ ყაიდაზე”, – განაცხადა სალომე ზურაბიშვილმა.

თაიმერი timer.ge
ავტ.: თაიმერი timer.ge ნოემბერი 29, 2018 13:59

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


5,479
ვიზიტორი
დღეში
Powered By Google Analytics