“საია მარნეულის 49-ე უბანზე კენჭისყრის შეწყვეტას და შედეგების ბათილობას ითხოვს” – სულხან სალაძე

თაიმერი timer.ge
ავტ.: თაიმერი timer.ge ნოემბერი 28, 2018 17:24

“საია მარნეულის 49-ე უბანზე კენჭისყრის შეწყვეტას და შედეგების ბათილობას ითხოვს” – სულხან სალაძე

საქართველოს ახლაგაზრდა იურისტთა ასოციაცია მარნეულის 49-ე უბანზე კენჭისყრის შეწყვეტას და შედეგების ბათილობას ითხოვს.

ამის შესახებ საგანგებო განცხადება საქართველოს ახლაგაზრდა იურისტთა ასოციაციის თავმჯდომარემ, სულხან სალაძემ, გააკეთა.

„საია მარნეულის 49-ე უბანზე კენჭისყრის შეწყვეტას და შედეგების ბათილობას ითხოვს. მარნეულის 49-ე უბანზე დაფიქსირდა სავარაუდო გაყალბების რამდენიმე ფაქტი, მათ შორის, ერთი და იგივე ამომრჩევლის მიერ ხმის განმეორებით მიცემის ფაქტი.

„საია-ის დამკვირვებლის ინფორმაციით, 49-ე უბანზე ხმა მისცა ამომრჩეველმა, სანან ბადაოვმა, რომელიც ამ უბნის ამომრჩეველი არ არის. საია-ის დამკვირვებლის მიერ სიების გადამოწმების შედეგად ირკვევა, რომ ამომრჩეველი სახელი და გვარით სანანი ბადაოვი რეგისტრირებულია მარნეულის 48-ე უბანზე,“ – განაცხადა სალაძემ.

სალაძის თქმით, ამას გარდა საია-ის დამკვირვებელმა კიდევ დააფიქსირა პირი, რომელმაც აღნიშნულ უბანზე ორჯერ მისცა ხმა. სალაძის თქმით, 5 პირს, რომლებსაც მარკირება უკვე გავლილი ჰქონდათ, კიდევ ცდილობდნენ ხმის მიცემას, თუმცა, ვერ მოახერხეს.

“საია ასევე მიმართავს პროკურატურას, დაიწყოს გამოძიება არჩევნების სავარაუდო გაყალბების ფაქტზე,” – განაცხადა სულხან სალაძემ.

თაიმერი timer.ge
ავტ.: თაიმერი timer.ge ნოემბერი 28, 2018 17:24

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


9,127
ვიზიტორი
დღეში
Powered By Google Analytics