რუსთავში თბილისის მიმართულებით მგზავრობის გაძვირებას აპროტესტებენ

region
: region დეკემბერი 29, 2018 18:48

რუსთავში თბილისის მიმართულებით მგზავრობის გაძვირებას აპროტესტებენ

რუსთავი-თბილისის მიმართულებით მგზავრობის გაძვირებასთან დაკავშირებით რუსთავში დღეს საპროტესტო აქცია გაიმართა.

აქციის მონაწილეთა განცხადებით, პროტესტის მიზნით შეკრება სოციალური ქსელით დაიგეგმა. ისინი ძველი ტარიფის დაბრუნებას და კომპანიისგან „ინტერ ტრანსი“ ნაკისრი ვალდებულებების შესრულებას მოითხოვენ.

აქციას რუსთავის საკრებულოს ყველაზე ახალგაზრდა წევრი, ამირან ჯანჯღავაც შეუერთდა. მისი თქმით, ადგილობრივი ხელისუფლება ყველა შესაძლო ბერკეტს გამოიყენებს, მათ შორის ამოქმედდება შესაბამისი სანქციები კომპანიის წინააღმდეგ.

​​რუსთავი-თბილისს შორის მიკროავტობუსით მგზავრობა 50 თეთრით გაძვირდა და 2 ლარი გახდა. რუსთავის მერი ირაკლი ტაბაღუა აცხადებს, რომ საფასური თვითნებურად გაიზარდა და მერიასთან შეთანხმებული არ ყოფილა. კომპანია „ინტერ ტრანსის“ განცხადებით კი, რუსთავი-თბილისის მიკროავტობუსით მგზავრობის გაძვირებით ხელშეკრულება არ დაურღვევიათ.

region
: region დეკემბერი 29, 2018 18:48

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


25,808
ვიზიტორი
დღეში
Powered By Google Analytics