რუსეთი მზადაა, წარმოადგინოს კარტოგრაფიული მასალა სომხეთსა და აზერბაიჯანს შორის საზღვრის დელიმიტაციისთვის, – მედიის ინფორმაციით, ამის შესახებ რუსეთის საგარეო საქმეთა მინისტრმა სერგეი ლავროვმა ერევანში ვიზიტის დროს განაცხადა.
„ჩვენ მოხარული ვართ, რომ ჩატარდა პირველი შეხვედრა საზღვრის დელიმიტაციისა და უსაფრთხოების შესახებ. შემდეგი შეხვედრა, როგროც უკვე ითქვა, მოსკოვშია დაგეგმილი. ჩვენ მზად ვართ, კონსულტაციებით დახმარება გავუწიოთ მხარეებს, მათ შორის წარვადგინოთ კარტოგრაფიული მასლაც“, – განაცხადა ლავროვმა.
