რუსეთმა დასავლეთის ქვეყნებს მიანიშნა, რომ მშვიდობიანი პროცესის ჩარჩოებში, წინააღმდეგი არ იქნება სირიის პრეზიდენტის ბაშარ ასადის გარდამავალი პერიოდის შემდეგ გადაყენებაზე. ამის შესახებ “როიტერსი” აცხადებს დასავლელ დიპლომატებზე დაყრდნობით.
“საუბარია პროცესზე, რომელიც ასადის წასვლით დასრულდება. დ არუსები მივიდნენ იქამდე, რომ პირად დიალოგებში თანხმობას აცხადებენ ასადის გადაყენებაზე გარდამავალი პერიოდის შემდეგ, უბრალოდ, ისინი ამ განცხადების ხმამაღლა გამოსაქვეყნებლად ჯერ მზად არ არიან” – სააგენტოს ერთ-ერთი დიპლომატის სიტყვები მოყავს, რომელმაც ანონიმურად დარჩენა არჩია. სააგენტოს ცნობით, ჩინოვნიკის ამ აზრს ბევრი დიპლომატი ადასტურებს.
