ირანის ისლამური ხელისუფლების მიერ ტერორისტულ ორგანიზაციად გამოცხადებული ,,ქურთისტანში თავისუფალი სიცოცხლის პარტია,, (PJAK – Partiya Jiyana Azad a Kurdistanê), რომელიც აიათოლა ჰომეინის ხელისუფლებასთან 2004 წლის შემდგომ საომარ მდგომარეობაშია, ირანში დაწყებულ პროტესტთან დაკავშირებით ქურთებისა და სუნიტი მოსახლეობის საყოველთაო მობილიზაცია გამოაცხადა…
ირანიდან მიღებული ინფორმაციით, PJAK-ის ლიდერებმა ქურთებს და სხვა ეროვნების სუნიტებს მოუწოდეს, რომ შეუერთდნენ მათი პარტიის შეიარაღებულ დაჯგუფება ,,აღმოსავლეთ ქურთისტანის თავდაცვას,, (HRK -Hêzên Rojhilata Kurdistan), რათა ერთობლივი ძალებით შეიარაღებული წინააღმდეგობა გაუწიონ ირანში აიათოლას რეჟიმს.
ერთ-ერთი თურქული წყაროს ინფორმაციით, PJAK-ის ლიდერებს ცოცხალი ძალით მხარდაჭერა აღუთქვა თურქეთში მოქმედმა ,,ქურთების მუშათა პარტიამ,, (PKK-Partiya Karkerên Kurdistan ), რომელიც თურქეთის ხელისუფლებასთან საომარ პირობებშია და ამ ქვეყნის ხელისუფლებას ტერორისტულ ორგანიზაციად ჰყავს გამოცხადებული. როგორც ცნობილია, როგორც PJAK-ი ასევე PKK-ც, თავიანთ ლიდერად თურქეთის ხელისუფლების მიერ დაპატიმრებულ აბდულა ოჯალანს აღიარებენ და ქურთისტანის დამოუკიდებელი სახელმწიფოს შექმნისთვის იბრძვიან.