თურქეთში საქართველოს ორი მოქალაქე დააკავეს. არსებული ინფორმაციით, ორივე მათგანს ქურდობასა და ძალადობას ედავებიან.
სამართალდამცველების ინფორმაციით, გენადი სურმანიძე და დავით გაბაიძე, თურქ თანამზრახველთან ერთად, ანტალიაში მდებარე ერთ-ერთ საცხოვრებელ სახლში შეიჭრნენ, მეპატრონე ქალს ფიზიკური შეურაცხყოფა მიაყენეს და ძალადობის მუქარით მისი სახლიდან ძვირფასი ნივთები გაიტაცეს.
დაკავებულებს პოლიციის განყოფილებასთან მათ მსხვერპლის ნათესავები დახვდნენ და მათთან ანგარიშსწორება სცადეს, თუმცა ისინი პოლიციამ შეაჩერა.