რუსეთის ფედერაციის პრეზიდენტი ვლადიმერ პუტინი უკრაინაში ომს ოფშორიდან აფინანსებს, – ამის შესახებ უკრაინული მედია OCCRP-ზე დაყრდნობით იუწყება.
სტატიის მიხედვით, სწორედ ოფშორში დამალული ფული ეხმარება რუსეთის ფედერაციის პრეზიდენტს უკრაინასთან ბრძოლაში.
„პუტინი უფრო დიდი საფრთხეა აშშ-სთვის, ვიდრე თავის დროზე ჰიტლერი იყო და მოღალატე კომპანიები მისი საუკეთესო მეგობრები არიან. მოღალატე კომპანიები, რომლებიც აფინანსებენ რუს სამხედროებს, სწორედ ისინი კლავენ უდანაშაულო მოქალაქეებს უკრაინაში“, – ნათქვამია ინფორმაციაში.
როგორც გამოცემა წერს, რუსული ელიტის ოფშორის ყველა აქტივის მოკვლევა და გასაჯაროება შესაძლებელია, მაგრამ ამას პოლიტიკური ნება სჭირდება.
