საქართველოს პრემიერ-მინისტრის ირაკლი ღარიბაშვილის განცხადებით, რუს ჟურნალისტ ვლადიმერ პოზნერს ოკუპაციის შესახებ კანონი არ დაურღვევია. მისივე თქმით, პოზნერი და მისი თანმხლები პირები ქვეყანაში კანონის სრული დაცვით შემოვიდნენ.
ამასთან, როგორც პრემიერმა განაცხადა, ვლადიმერ პოზნერის და მისი თანმხლები პირების მიერ რეგულაციების დარღვევა მუღებელია, რაზეც შესაბამის უწყებებს მყისიერი რეაგირება ჰქონდათ.
„ვლადიმერ პოზნერს, რომელიც არის აგრეთვე აშშ-ის მოქალაქე, არ დაურღვევია კანონი ოკუპაციის შესახებ. ის ხშრად სტუმრობს საქართველოს აშშ-ის პასპორტით. ეს იყო მორიგი კერძო ხასიათის ვიზიტი. ამასთან, მთავრობის დადგენილების შესაბამისად, მას და მის თანმხლებ პირებს ჰქონდათ ეგრეთ წოდებული კოვიდპასპორტი და ასევე უარყოფითი პასუხი პისიარ ტესტზე. ისინი ქვეყანაში შემოვიდნენ კანონის შესაბამისად.
რაც შეეხება სტურების შეკრებას თბილისის ეთ-ერთ დაწესებულებაში რეგულაციების გაუთვალისწინებლად, ეს რა თქმა უნდა, ჩვენთვის, ყველასთვის მიუღებელია და შესაბამის უწყებებს ჰქონდათ მყისიერი რეაგირება. კერძოს, დაჯარიმდა როგორც დაწესებულება, ასევე ყოველი ინდივიდი“, – განაცხადა ირაკლი ღარიბაშვილმა.
