ფოთში, 8 მარტის ქუჩის მიმდებარედ, მდინარე კაპარჭინასთან არსებულ ნაგავსაყრელზე საბურავები იწვის. მოსახლეობის ინფორმაციით, მიმდებარე ტერიტორიაზე გამოუსადეგარი საბურავები ყრია და შიგნით ქვეწარმავლები ბუდობენ, რის გამოც ისინი საბურავებს წვავენ.
„შეგვჭამეს გველებმა და სხვა გზა არ დაგვრჩა“,- აცხადებს მოსახლეობა.
გარემოსდაცვითი ზედამხედველობის დეპარტამენტში აცხადებენ, რომ სამმართველოს ეკიპაჟი გავა ადგილზე და სამართალდამრღვევის დადგენის შემდგომ შესაბამისი ოქმი შედგება.
