პრეზიდენტობის კანდიდატის, ზურაბ ჯაფარიძის საქმეზე მოსამართლე სიტყვიერი გაფრთხილებით შემოიფარგლა.
სასამართლომ დაადგინა, რომ სამართალდარღვევას ადგილი ჰქონდა, თუმცა სანქცია არ გამოუყენებია.
დაცვის მხარის განმარტებით, სამართალდარღვევა საერთოდ არ ფიქსირდება, ამიტომ ისინი საქმის სააპელაციოში გასაჩივრებას აპირებენ.
ჯაფარიძე 12 მაისს, რუსთაველის გამზირზე მიმდინარე აქციაზე დააკავეს, საიდანაც გლდანი-ნაძალადევის განყოფილებაში გადაიყვანეს.
შინაგან საქმეთა სამინისტრო „გირჩის“ ლიდერს ადმინისტრაციულ სამართალდარღვევათა კოდექსის 173-ე მუხლის დარღვევას ედავება, რაც პოლიციელების მოთხოვნისადმი დაუმორჩილებლობას გულისხმობს.
