აშშ-ს პრეზიდენტის ადმინისტრაცია სირიაში დამატებით 250 სპეცრაზმელის გაგზავნის საკითხს განიხილავს – შესაბამისი განცხადებით პენტაგონი გამოვიდა – “სიენენი” ავრცელებს.
სამხედრო მონაწილეობის გაზრდა სირიის ქალაქ რაკის და ერაყის მოსულის ტერორისტებისაგან განსათავისუფლებლად არის აუცილებელი. ტელეარხის მიხედვით, რაკას რაიონში სპეცრაზმელების ოპერაციები წარმატებულად შეაფასეს. პენტაგონი ქალაქების განთავისუფლების გეგმის დაჩქარებას აპირებს – ამბობს “სიენენი”.
სირიაში სამოქალაქო ომი 2011 წლიდან მიმდინარეობს.