არასაპარლამენტო ოპოზიცია დღეიდან კონსულტაციებს იწყებს. “თავისუფალი საქართველოს” ლიდერის განცხადებით, ერთობლივი ორგანო შეიქმნება, რომელიც ხელისუფლების რეჟიმის წინააღმდეგ იმუშავებს. კახა კუკავას თქმით, გაერთიანებაში რამდენიმე ოპოზიციური პარტია შევა. ეს არჩევნების შემდეგ არასაპარლამენტო ოპოზიციის პირველი შეხვედრაა. არასაპარლამენტო ოპოზიციას მიაჩნია, რომ მნიშვნელოვანია მსგავსი შეხვედრების ჩატარება.
„ქვეყანაში დამკვიდრებულია ორპარტიული კოჰაბიტაციური ავტორიტარიზმი. პირველი, რაც ყველაზე მკაფიოდ უნდა ვუთხრათ, როგორც ქვეყნის შიგნით საზოგადოებას, ასევე ქვეყნის გარეთ, რომ საქართველოში არასამართლიანი და არათავისუფალი არჩევნები ჩატარდა და პარლამენტის არჩეული შემადგენლობა ქართველი ხალხის ნებას არ გამოხატავს,“ – განაცხადა “თავისუფალი საქართველოს” თავმჯდომარე, კახა კუკავამ.