ოზურგეთის #2-ე საჯარო სკოლაში მეათე კლასელი მოსწავლე დაჭრეს. დაზარალებულს ჭრილობა ფილტვის არეში, ცივი იარაღით აქვს მიაყენებული. ეჭვმიტანილი მისივე თანაკლასელია. ინციდენტის მიზეზი სავარაუდოდ ურთიერთშელაპარაკება გახდა.
დაჭრილი მოსწავლე ოზურგეთის სამედიცინო ცენტრშია გადაყვანილი. როგორც სამედიცინო ცენტრის დირექტორმა განაცხადა დაჭრილს სასწრაფო ოპერაცია ჩაუტარდა და მისი ჯანმრთელობის მდგომარეობა ამ ეტაპზე სტაბილურია.
შემთხვევა #2-ე საჯარო სკოლაში დღეს, გაკვეთილებს შორის, დასვენებაზე მოხდა.
