“ნორმანდიული ოთხეულის” საგარეო საქმეთა მინისტრების შეხვერამ, რომელიც დღეს პარიზში შედგა, უშედეგოდ ჩაიარა.
გერმანიის, უკრაინის, საფრანგეთის და რუსეთის საგარეო უწყებების ხელმძღვანელები შეთანხმდნენ, რომ აღმოსავლეთ უკრაინაში არჩევნები 2016 წელს ჩატარდება – განაცხადა გერმანიის საგარეო საქმეთა მინისტრმა ფრანკ-ვალტერ შტაინმაიერმა, რომელმაც აღნიშნა, რომ არ არის კმაყოფილი აღმოსავლეთ უკრაინაში არსებული სიტუაციით და არც კიევსა და მოსკოვს შორის მიმდინარე დიალოგით.
“ეს შეხვედრა ერთ-ერთი მძიმე შეხვედრათაგანი იყო, რომელიც ჩვენ ჩაგვიტარებია” – განაცხადა შტაინმაიერმა.
რუსეთის წარმომადგენელმა, სერგეი ლავროვმა განაცხადა, რომ რუსეთი მზად იყო არჩევნებისთვის მიმდინარე წლის პირველ ნახევარში: “ჩვენ მზად ვიყავით მხარი დაგვეჭირა არჩევნებისთვის, მაგრამ ჩვენმა უკრაინელმა კოლეგებმა გვთხოვეს რომ ამაზე დაჟინებული აქცენტი არ გაგვეკეთებინა, კონსენსუსის შედეგად კი არჩევნები წლის ბოლომდე გადაიდო” – განაცხადა რუსეთის საგარეო უწყების ხელმძღვანელმა.