ნორვეგიის ქალაქ დრამენში სენიორ (65+) მოჭადრაკეთა შორის გამართული ევროპის ჩემპიონატი ნონა გაფრინდაშვილის გამარჯვებით დასრულდა.
საქართველოს განათლების, მეცნიერების, კულტურისა და სპორტის სამინისტროში აცხადებენ, გაფრინდაშვილი გათამაშების შემდეგ 5,5 ქულით პირველობას რუს ელენა ფატალიბეკოვასთან ერთად იყოფდა, თუმცა მეტოქეს დამატებითი მაჩვენებლებით აჯობა და ევროპის ჩემპიონი გახდა.
შესაბამისად, ვერცხლის მედალი რუსმა ფატალიბეკოვამ მოიპოვა, ბრინჯაოს მედლის მფლობელი თამარ ხმიადაშვილია, რომელიც სენიორთა შორის მსოფლიოს და ევროპის ჩემპიონატების მრავალგზის ჩემპიონი და პრიზიორია.
