ნიკა გვარამია – თვეში საშუალოდ 20 ათას დოლარზე მეტი მქონდა შემოსავალი და ბინის გაყიდვითაც მივიღე, რას ქვია, ფული არ მქონდა

region
ავტ.: region სექტემბერი 6, 2019 15:28

ნიკა გვარამია – თვეში საშუალოდ 20 ათას დოლარზე მეტი მქონდა შემოსავალი და ბინის გაყიდვითაც მივიღე, რას ქვია, ფული არ მქონდა

თვეში საშუალოდ 20 ათას დოლარზე მეტი მქონდა შემოსავალი და ბინის გაყიდვითაც მივიღე, რას ქვია, ფული არ მქონდა, – ასე გამოეხმაურა „რუსთავი 2“-ის ყოფილი გენერალური დირექტორი ნიკა გვარამია პროკურატურის მიერ მისთვის ახალი ბრალდების წაყენებას.

პროკურატურის მიერ დღეს გავრცელებულ ინფორმაციაში საუბარია ე.წ. ბინის ეპიზოდზე, რომელზეც გვარამია ამბობს, რომ ამ ეპიზოდს მათ „თავზე გადაალეწავს“.

„ბინა გაყიდა და ფული არ ქონდაო? – უკაცრავად, მართლა ხო არ გაკლიათ? 2011 წლიდან თვეში საშუალოდ 20 ათას დოლარზე მეტი მქონდა შემოსავალი და ბინის გაყიდვითაც მივიღე. რას ქვია, ფული არ მქონდა? იმიტომ გავყიდე, რომ უფრო დიდი მეყიდა (რაც საბოლოოდ ვერ შევძელი, სამწუხაროდ).

ფული არ შეუტანია ინტერმედიაშიო? – უკაცრავად, კიდევ ერთხელ ხომ არ გაკლიათ. მართლა ბოლო სტადიაში გახვედით და რაღაზე გელაპარაკოთ, რა აზრი აქვს? მე როგორც მითხრეს, ისე მოვიქეცი და საბუთიც არსებობს (აქ შემოიტანე, ბანკში ჩვენ წავიღებთ, შენ რომ არ იაროო). დანარჩენი სხვებს კითხეთ, ვინც გააფორმა ეგ დეტალები. მაგის ზედამხედველობა არც ჩემი კომპეტენცია ყოფილა და არც მაგის დრო მქონდა.

მოკლედ, ბინის ეპიზოდს გადაგალეწავთ თავზე. დანარჩენი რომ ბოდვაა, კი დავასაბუთე უკვე“, – წერს ნიკა გვარამია „ფეისბუქში“.

region
ავტ.: region სექტემბერი 6, 2019 15:28

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


5,139
ვიზიტორი
დღეში
Powered By Google Analytics