რუსმა ოპოზიციონერმა ალექსეი ნავალნიმ განაცხადა, რომ მოსკოვში და სხვა ქალაქებში 12 ივნისს მასობრივი აქციის ჩატარებას გეგმავს იმავე ლოზუნგებით, რაც ქონდათ 26 მარტის არასანქცირებულ მიტინგებზე. მას არ დაუზუსტებია, აპირებს თუ არა მომავალი აქციის მოსკოვის მთავრობასთან შეთანხმებას.
შეგახსენებთ, რომ 26 მარტის აქციაზე დაახლოებით 600-მდე მონაწილე დააკავეს სამართალდამცველებმა. გამოსვლები კორუფციის წინააღმდეგ იყო მიმართული.
