23 წლის პროგრამისტის მამის ვარაუდით, გოგო მოკლული და ნაწამებია. იგი ასევე არ გამორიცხავს თავისი შვილის მოტაცების ვერსიას.
აწამეს და მოკლეს ბავშვი. აქედან მოტყუებით გაიყვანეს. ეს მოდის სამსახურის მხრიდან, ზეწოლის ქვეშ იყო, – ამბობს გარდაცვლილი თამარ ბაჩალიაშვილის მამა მედიასთან საუბრისას.
გარდაცვლილის ოჯახი ჩატარებული საგამოძიებო მოქმედებებით უკმაყოფილოა. ბაჩალიაშვილის მამა ასევე ამბობს, რომ სამძებრო სამუშაოები ეფექტურად არ მიმდინარეობდა, რის გამოც პროგრამისტის 5 დღიანი გაუჩინარება ტრაგიკულად დასრულდა.
აი, ჩვენი მთავრობა, აი, ჩვენი პოლიცია… ვეხვეწები 5 დღეა ხალხო… ბავშვი დავკარგე და ნახეთ… ვიყავითო და მივედი იმ ადგილას ზუსტად, სოფელში და არ ყოფილა პოლიცია დღეს აქაო, – თქვა მან.
შეგახსენებთ, რომ ხუთდღიანი ძებნის შემდეგ, 23 წლის პროგრამისტი თეთრიწყაროს ტყეში,22 ივლისს საკუთარ მანქანაში გარდაცვლილი ცოტა ხნის წინ იპოვეს.