“მმართველი გუნდი დაინტერესდება, რატომ ლაპარაკობს ეს ადამიანი იმას, რაც არავის დაუვალებია”-მამუკა მდინარაძე

region
: region მაისი 14, 2019 16:34

“მმართველი გუნდი დაინტერესდება, რატომ ლაპარაკობს ეს ადამიანი იმას, რაც არავის დაუვალებია”-მამუკა მდინარაძე

სკანდალურ ფარულ ჩანაწერს, რომელიც მოახლოებულ შუალედურ არჩევნებს ეხება, საპარლამენტო უმრავლესობის წევრები ეხმაურებიან. ვიდეომასალაში „ქართული ოცნების“ წევრი და ზუგდიდის საკრებულოს დეპუტატი, გია დანელია ჰყვება, როგორ დაიბარეს და როგორ მისცეს დავალებები, რომ მოისყიდონ მოქალაქეები ნებისმიერ ფასად.

მმართველი გუნდის წარმომადგენლები ამბობენ, რომ ჩანაწერს რეაგირება აუცილებლად მოჰყვება, თუმცა რა რეაგირებაზეა საუბარი, საპარლამენტო უმრავლესობის ლიდერებს არ დაუკონკრეტებიათ.

მათი თქმით, პარტიულ შეხვედრებზე ზეწოლისა და დაშინების შესახებ დავალებებს არავინ გასცემს.

„აუცილებლად დავინტერესდები პირადად მე და მმართველი გუნდი აუცილებლად დაინტერესდება იმით, რატომ ლაპარაკობს, თუ ლაპარაკობს, რა თქმა უნდა, ეს ადამიანი იმას, რაც მისთვის არავის დაუვალებია, პირიქით, რასაც ავალებენ, იმის საწინააღმდეგოს რატომ ლაპარაკობს. ამას ექნება თავისი მიზეზები. ყველა პარტიულ თათბირზე ამ ადამიანებს ავალებენ სრულიად საპირისპიროს, რომ მოგებული არჩევნები არ უნდა წააგოს მმართველმა გუნდმა ვიღაცების არასწორი ლაპარაკით, არასწორი მესიჯების გადაცემით კონკრეტულ ადამიანებზე. თუ ეს ადამიანი ლაპარაკობს საპირისპიროს, თუ ეს ადამიანი ლაპარაკობს პარტიულ თათბირებზე რასაც ისმენს იმის საპირისპიროს, ამას ექნება კონკრეტული მიზეზები და ამ კონკრეტულ მიზეზებს აუცილებლად გავარკვევთ,“ – განაცხადა მამუკა მდინარაძემ.

region
: region მაისი 14, 2019 16:34

გამოკითხვა

ზუგდიდის მერობის არჩევნებში რომელი კანდიდატი გაიმარჯვებს?

  • სანდრა რულოვსი (66%, 1 551 ხმა)
  • გიორგი (გეგა) შენგელია (26%, 615 ხმა)
  • ზვიად სიჭინავა (4%, 103 ხმა)
  • თენგო ჯგუშია (3%, 81 ხმა)

ხმები სულ: 2 350

Google სტატისტიკა


6,751
ვიზიტორი
დღეში
Powered By Google Analytics