ფოთში კოღოების შეწამვლის სამუშაოები მიმდინარეობს. ქალაქში არსებული მრავალსართულიანი საცხოვრებელი სახლების სარდაფები და სადარბაზოები, კერძო სახლები, ცხოველთა და ფრინველთა სადგომები მუშავდება უსაფრთხო ინსექტიციდით-სოლფაკით.
„ეპიდზედამხედველობის“ სახელმწიფო პროგრამის: „მალარიისა და სხვა ტრანსმისიური დაავადებების პრევენციისა და კონტროლის გაუმჯობესების“ ფარგლებში დაფრთიანებული მალარიის გადამტანი კოღო ანოფელესის საწინააღმდეგო ღონისძიებები ტარდება ორ ეტაპად.
მიმდინარეობს ყველა ანოფელოგენური ღია წყალსატევების აღრიცხვა-პასპორტიზაცია, მათში კოღოს ნაჩეკების გამოვლენა.
ჯანდაცის ეროვნული ცენტრი მეხუთე წელია ატარებს ტრანსმისიური დაავადებების საწინააღმდეგო ღონისძიებებს ,რის შედეგად კოღოების პოპულაცია საგრძნობლად შემცირდა.