„თბილისი მოლში“ მცირე დაკვამლიანების გამო, განგაშის სიგნალი ჩაირთო. ამის შესახებ პირველ არხს თვითმხილველებმა აცნობეს.
არსებული ინფორმაციით, ერთ-ერთ მაღაზიაში მოხდა მცირე დაკვამლიანება, რის შედეგადაც განგაშის სიგნალი ავტომატურად ჩაირთო.
განგაშის სიგნალის გამო, სავაჭრო ცენტრის შენობიდან მოქალაქეების ევაკუაცია დაიწყო.
შემთხვევის შედეგად არავინ დაშავებულა. „თბილისი მოლში“ ამ დროისთვის სიმშვიდეა.
