მიხეილ სააკაშვილს რატი ბრეგაძის უწყება საკვების გარეშე ტოვებს – საქართველოს მესამე პრეზიდენტს ამანათების მიღება აეკრძალა. როგორც მისი პოლიტიკური თანაგუნდელები აცხადებენ, პენიტენციური დაწესებულება უსაფრთხოების ზომებს იმიზეზებს, თუმცა ციხის ყველა თანამშომელი ინფორმირებულია, რომ მიხეილ სააკაშვილი არც ციხის საკვებს იღებს და არც იქ არსებულ მაღაზიაში ყიდულობს.
“მას პრაქტიკულად გადაუკეტეს გზა კვების, საკვების მიღების… ის მხოლოდ და მხოლოდ იკვებებოდა ამანათების შეგზავნის გზით. ის არ ყიდულობდა დაწესებულებაში არსებულ მაღაზიიდან საკვებს და არ იღებდა იმას. იყო მხოლოდ და მხოლოდ ერთი და იგივე ადამიანების მიერ შესაძლებლობა ამანათების შეგზავნის, ერთ-ერთი ვიყავი მე და პასუხისმგებელიც გახლდით ამაზე და დღეს როდესაც მოვიტანე ამანათი არ შეგვაგზავნინეს და სანამ მე მასთან შევიდოდი, განუცხადეს, რომ ვეღარ მიიღებს ამანათებს” – ამბობს ხერხეულიძე.
