ტელეკომპანია „მაესტროს“ გენერალურმა დირექტორმა, ზურაბ ნაყეურმა 2030-ს გიორგი ისაკაძის 5 მაისის განცხადება და ისაკაძის გადაცემების თანამშრომლებისთვის დღეს მიწერილი საკუთარი წერილი მიაწოდა.
როგორც ნაყეურის მიერ “ბიზნეს კონტაქტის”, “საქმიანი დილის” გუნდისთვის მიწერილ წერილშია აღნიშნული, „გუშინდელი მოვლენების გაშუქების შემდეგ ზოგადად შთაბეჭდილება იქმნება, რომ ეძებთ “ბნელ ოთახში კატას მაშინ, როდესაც ის იქ არ არის”.
როგორც ნაყეური წერის, გიორგი ისაკაძის სამსახურიდან გათავისუფლების შესახებ განცხადებაში გარკვევით და გასაგებად არის გამოყოფილი სამი ძირითადი მიზეზი, რომლის გამოც მოხდა შრომოთი ხელშეკრულების შეწყვეტა.
“ბიზნეს კონტაქტის”, “საქმიანი დილის” გუნდს – მოგესალმებით, თქვენს მიერ გუშინდელი მოვლენების გაშუქების შემდეგ ზოგადად შთაბეჭდილება იქმნება, რომ ეძებთ “ბნელ ოთახში კატას, მაშინ როდესაც ის იქ არ არის”. მიმაჩნია, რომ ჩემს განცხადებაში განთავისუფლების შესახებ გარკვევით და გასაგებად გამოვყავი ის სამი ძირითადი მიზეზი, რომლის გამოც მოხდა შრომოთი ხელშეკრულების შეწყვეტა. სამწუხაროა, რომ თქვენი ეთერით არ მომხდარა არც ამ მიზეზების ციტირება და არც მათი გარკვევით დაინტერესება. სამართლიანობის და ობიექტურობის პრინციპი მოითხოვს ჩემი მხრიდან ამ საკითხებში ნათელის შეტანს და კიდევ ერთხელ განვმარტავ, რომ დაუშვებლად მიგვაჩნია ნებისმერი პირის მხრიდან „მაესტროს“ ქონებრივ თუ ინტელექტუალურ საკუთრებაზე ულტიმატუმის ენით საუბარი: ყველაფერი დაიწყო იმით, რომ მიმდინარე წლის 5 მაისს ბატონმა გიორგი ისაკაძემ მომმართა წერილობითი განცხადებით, სადაც ის ყოვლად უსაფუძვლოდ და დასაბუთებლად ითხოვს 2014 წლის 2 ოქტომბრიდან – დღემდე ყოველთვიურ, სამიათას ლარიან კომპენსაციას განვლილ პერიოდზე, და მომავალშიც ამავე ოდენობით სახელფასო ზრდას. იმის შემდეგ რაც მან ამაზე ჩვენი მხრიდან დასაბუთეული უარი მიიღო, მან როგორც გადაცემის წამყვანმა ცალმხრივად მიიღო გადაწყვეტილება ეთერში არგასვლაზე. შთაბეჭდილებაა, რომ ადგილი ქონდა თქვენი გუნდის ხელმძღვანელის მხრიდან – წასვლით მუქარას და ამ და სხვა აქტუალური თემებით მაესტროს მანიპულირება-დაშანტაჟებას. იმედს ვიტოვებთ, რომ ამჯერად მაინც უცვლელად მოახდენთ ჩემი განცხადების ციტირებას. რაც შეეხება ისაკაძის ზეპირ მომართვას, რომელიც მან გუშინ “რუსთავი 2”-ის ეთერით გააკეთა, ვთვლი, რომ მისი შეთავაზება საინტერესოა და იმსახურებს ჩვენი მხრიდან საქმიან განხილვას. სამწუხაროა, რომ დღემდე ვერ გავერკვიე თქვენი გუნდის პოზიციაში,. ის ჩვენთვის ამ დრომდე ბუნდოვანი და ორაზროვანი რჩება,.. გთხოვთ, განმარტოთ, სამომავლოდ აპირებთ თუ არა დაკისრებული მოვალეობების შესრულებას“,-აღნიშნულია „მაესტროს“ გენერალური დირექტორის წერილში.
