კორონავირუსის საფრთხის გამო ჰონგ-კონგის სკოლებში სასწავლო პროცესის განახლება გადაიდო. ამ ინფორმაციას ჰონგ-კონგის განათლების მინისტრი კევინ იუენი ავრცელებს. მისი თქმით, სასწავლო პროცესი 16 მარტამდე გადაიდო.
აღსანიშნავია, რომ თავდაპირველად ჰონგ-კონგის ხელისუფლებამ სასწავლო პროცესის 2 მარტამდე გადადებას დაუჭირა მხარი, თუმცა კოროკავირუსის შემთხვევების გაზრდის გამო მათ გადაწყვეტილება შეცვალეს.
ამ დროისთვის ჰონგ-კონგში კორონავირუსის 50-მდე შემთხვევა დაფიქსირდა. ვირუსს 1 ადამიანი ემსხვერპლა.