უკრაინის შეიარაღებულმა ძალებმა უდიდესი ძალისხმევის ფასად, შედარებით დაასტაბილურეს სიტუაცია ბახმუტთან. კონსტანტინოვკა-ბახმუტის გზა უკრაინის კონტროლს ექვემდებარება. ამის შესახებ ბატალიონ „თავისუფლების“ მეთაურის მოადგილემ, ვლადიმერ ნაზარენკომ განაცხადა.
ნაზარენკო ამბობს, რომ ბახმუტში ყოველი საათი ჯოჯოხეთია. ოკუპანტებს აქვთ უპირატესობა ჭურვებში და ახორციელებენ მიწოდების ხაზების ქაოტურ დაბომბვას. თუმცა, სოფელ ივანოვსკოესთან, კონსტანტინოვკა-ბახმუტის გზა უკრაინული ძალების კონტროლის ქვეშაა.