კილომეტრიანი რიგები ლარსზე – უკვე რამდენიმე კვირაა სატვირთო მანქანებისთვის რუსეთის მხრიდან გადაადგილება პარალიზებულია.
მიზეზად რუსული მხარე სასაზღვრო პუნქტზე ტექნიკურ ცვლილებებს ასახელებს.
როგორც ირკვევა, მოსკოვმა საზღვრებზე გადასატანი ტვირთის დასაშვები ნორმა შეცვალა.
მძღოლები აცხადებენ, რომ ვისაც მეტი წონა მიაქვს ან ჯარიმა უნდა გადაიხადოს ან ქრთამი. ისინი დახმარებას ხელისუფლებას სთხოვენ.
მათივე თქმით, ვითარება გაუსაძლისია და რამდენიმე დღეა ელემენტარული პირობების და საკვების გარეშე მანქანაში სძინავთ.
