ლეგენდარული უკრაინული მფრინავი, მეტსახელად “კიევის აჩრდილი”, ოკუპანტებთან ერთ-ერთი შეტაკებისას დაიღუპა. უკრაინელმა პილოტმა სიკვდილამდე 40-მდე რუსული თვითმფრინავი გაანადგურა აქედან ექვსი – ომის პირველ დღეს.
ცნობილია “კიევის აჩრდილის” ვინაობაც, ის 29 წლის მაიორი, სტეფან ტარაბალკა იყო. მისი თვითმფრინავი MiG-29ა ოკუპანტებმა 13 მარტს ჩამოაგდეს.
29 წლის უკრაინელი მფრინავის გარდაცვალებას ადასტურებს უკრაინის ავიაციაც და წერს, რომ დაღუპულს პრეზიდენტმა, ვოლოდიმირ ზელენსკიმ თავდადებისა და გმირობისთვის ოქროს ვარსკვლავის ორდენი მიანიჭა.
