საფრანგეთის პრეზიდენტმა, ფრანსუა ოლანდმა აღიარა, რომ ის დამწუხრებულია იმის გამო, რომ დღეს საფრანგეთში მიმდინარე საპრეზიდენტო არჩევნებზე მონაწილეობას არ იღებს როგორც კანდიდატი. “ყოველთვის არის სევდა, როცა არჩევნები მიმდინარეობს. განსაკუთრებით მაშინ, როცა შენ არ ხარ ბიულეტენში. ეს სინამდვილეა” – თქვა საფრანგეთის ლიდერმა. ოლანდმა ხმა ქალაქ ტულის საარჩევნო უბანში მისცა. 2001-2008 წლებში ის ამ ქალაქის მერი იყო. მედია აღნიშნავს, რომ ოლანდს აპლოდისმენტებით შეხვდნენ.
“არ უნდა იცხოვრო ნოსტალგიით, ყოველთვის იმედით და სურვილებით სავსე უნდა იყო” – დაამატა ფრანსუა ოლანდმა.
დღეს საფრანგეთში საპრეზიდენტო არჩევნები მიმდინარეობს.
