თბილისში, ბუდაპეშტის ქუჩაზე საცხოვრებელ კორპუსში ხანძარი გაჩნდა. ადგილზე მისულ სამაშველო ბრიგადას ბინაში 70 წელს გადაცილებული მამაკაცის ცხედარი დახვდა. საგანგებო სიტუაციების მართვის სააგენტოს ცნობით, 112-ში შეტყობინება დაკვამლიანების თაობაზე შევიდა.მათივე ინფორმაციით, ორი სახანძრო-სამაშველო ბრიგადა ადგილზე დროულად მივიდა.
„სახანძრო-სამაშველო ბრიგადა გამოძახების ადგილზე დროულად მივიდა. ხანძარი მაშველებს 8 კვ.მ-ზე დახვდათ. ცეცხლის ლოკალიზება მალევე მოხდა, რის შემდეგაც სამაშველო ბრიგადამ ბინაში 70 წელს გადაცილებული მამაკაცის ცხედარი აღმოაჩინა“,- განაცხადეს საგანგებო სიტუაციების მართვის სააგენტოში.
ხანძრის გამომწვევი მიზეზი ჯერ უცნობია.
“საზოგადოებრივი მაუწყებელი”
