“კავკასიონზე, მაღალი ძაბვის ელექტროგადამცემზე პრობლემა უკვე მოგვარებულია”

news
ავტ.: news იანვარი 8, 2016 11:54

“კავკასიონზე, მაღალი ძაბვის ელექტროგადამცემზე პრობლემა უკვე მოგვარებულია”

მნიშვნელოვანი

  • როგორც მთავრობის დღევანდელ სხდომაზე მინისტრმა აღნიშნა, გარკვეული პრობლემები იყო მაღალი ძაბვის გადამცემთან დაკავშირებით, თუმცა დღეს ეს პრობლემაც მოგვარებულია.

სხვა სტატიები

ენერგეტიკის მინისტრის კახა კალაძის განცხადებით, ამ დროისთვის დასავლეთ საქართველოში ელექტროენერგიის გარეშე 80 აბონენტია დარჩენილი.

როგორც მთავრობის დღევანდელ სხდომაზე მინისტრმა აღნიშნა, გარკვეული პრობლემები იყო მაღალი ძაბვის გადამცემთან დაკავშირებით, თუმცა დღეს ეს პრობლემაც მოგვარებულია.

“დიდთოვლობის გამო გარკვეული პრობლემები ძირითადად დასავლეთ საქართველოში იყო. რამდენიმე დღის განმავლობაში, ელექტროენერგიის მიწოდების თვალსაზრისით ხარვეზები გვქონდა. ეს იყო აჭარის რეგიონი, გურია, იმერეთი, სამეგრელო, რაჭა-ლეჩხუმი. სტიქიის შედეგები მაღალ ძაბვაზე უკვე ლიკვიდირებულია. ბოლო ინფორმაციით, ელექტროენერგიის გარეშე 80 აბონენტია დარჩენილი, ეს არის ცაგერის რაიონში არსებული სოფლები, სადაც ასევე გარკვეული პრობლემებია გზებთან დაკავშირებით. დიდთოვლობამ გზა ფაქტიურად წაიღო, დღესაც შესაბამისი სამსახურები მუშაობენ. როგორც კი სოფელში შესვლა შესაძლებელი გახდება, ჩვენ აბონენტებს გავანულებთ. ამბროლაურში ელექტროენერგიის გარეშე 12 აბონენტია დარჩენილი. ამ მომენტისთვის სხვა პრობლემები არ არის. გვქონდა გარკვეული შეფერხებები მაღალი ძაბვის ელექტროგადამცემზე, კავკასიონზე, საიდანაც ელექტროენერგია შემოგვაქვს რუსეთიდან. ეს პრობლემაც დღეს უკვე მოგვარებულია. მინდა ვისარგებლო შემთხვევით და მადლობა გადავუხადო “ენერგო პრო ჯორჯიას” ყველა იმ თანამშრომელს, რომელიც ამ დღეების განმავლობაში თავდაუზოგავად შრომობდა და ყველაფერს აკეთებდა იმ პრობლემების მოსაგვარეგლად, რომელიც ხელს უშლიდა აბონენტებისთვის ელექტროენერგიის მიწოდებას. დღეს ეს პრობლემა მოხსნილია”, – აღნიშნა კახა კალაძემ.

news
ავტ.: news იანვარი 8, 2016 11:54

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


25,462
ვიზიტორი
დღეში
Powered By Google Analytics