“კარგი იქნებოდა, პასუხისმგებელ პირებს ცხინვალსა და მოსკოვში ბერლინის კედლის გაკვეთილები ესწავლათ: საზღვრები, რომლებიც ეფუძნება არაადამიანურობას, დიდხანს ვერ იარსებებს,” – ეს განცხადება საქართველოში გერმანიის ელჩმა ჰუბერტ ქნირშმა გაავრცელა.
როგორც საქართველოში გერმანიის საელჩოს მიერ გავრცელებულ განცხადებაშია აღნიშნული, დე-ფაქტო უწყებები მძიმე სამედიცინო შემთხვევების დროსაც კი მოქალაქეებს ადმინისტრაციული ხაზის გადაკვეთას უკრძალავენ და ამ შემთხვევაში ე.წ. “ბორდერიზაციის” ჰუმანიტარული შედეგები კიდევ უფრო ნათელი ხდება.
