გურიაში ასწლოვანი ხეების გადატანა გრძელდება. სოფელ ქვემო ნატანებიდან დენდროლოგიურ პარკში წიფლის ტრანსპორტირების გამო გასულ ღამეს, დასახლებაში გაითიშა ელექტროენერგია და გაზი, დაზიანდა ელექტროგადამცემი ხაზები და საგზაო ნიშნები.შეფერხებული იყო მოძრაობა ნატანები-ურეკის მაგისტრალზეც. სასწრაფოს დახმარების მანქანას გადაადგილება შემოვლითი გზით მოუხდა.
ასწლოვანი წიფელის გამო მოიჭრა ევკალიპტის და ფიჭვის ის ხეები, რომლებიც ხის ტრანსპორტირების ხელს უშლიდა. ხის გადატანის შემდეგ აღდგენითი სამუშაოები გვიან ღამემდე გაგრძელდა.
