იტალიის ახალმა პრემიერ-მინისტრმა პაოლო ჯენტილონიმ გუშინ მთავრობის განახლებული შემადგენლობა წარადგინა. ქვეყნის საგარეო საქმეთა მინისტრად, რომელსაც მანამდე თვითონ ჯენტილონი იკავებდა, ანჯელო ალფანო, ყოფილი შსს მინისტრი დაინიშნა. კაბინეტის ბევრმა წევრმა საკუთარი პოსტი შეინარჩუნა, კერძოდ კი, ეკონომიკის, მრეწველობის, ჯანდაცვისა და იუსტიციის მინისტრებმა. უახლოეს დღეებში პარლამენტმა უნდა გადაწყვიტოს მთავრობას გამოუცხადებს თუ არა ნდობას. ამასთანავე, რამდენიმე პარტია უკმაყოფილოა, რომ მათი წინადადებები არ იქნა გათვალისწინებული.