იაპონიაში იაკუძას ერთ-ერთი დანაშაულებრივი დაჯგუფება “კობე იამაგუტი-გუმის” ბოსი ოკაიამას პრეფექტურაში მოკლეს – ამის შესახებ ადგილობრივი მედია წერს.
პოლიციის მიერ გავრცელებული განცხადების მიხედვით, 55 წლის მაფიოზი ტადასი ტაკაგი ქალაქის ერთ-ერთ პარკში დაცხრილეს. თვითმხილველები რამდენიმე გასროლაზე და მოტოციკლისტებზე საუბრობენ, რომლებმაც სასწრაფოდ დატოვეს შემთხვევის ადგილი.
გამომძიებლები თვლიან, რომ შესაძლებელია მკვლელობა ორ დაჯგუფებას შორის ომთან იყოს დაკავშირებული – “კობე იამაგუტი-გუმიმ” 2015 წელს “იამაგუტი-გუმის” უნდობლობა გამოუცხადა. მას შემდეგ მათ შორის კონფლიქტია. 2016 წელს კი პოლიციამ ოფიციალურად განაცხადა, რომ დაჯგუფებები ღიად ომობენ ერთმენეთთან.
